Լոնդոնի «Չելսիից» հեռացած իսպանացի կիսապաշտպան Պեդրո Ռոդրիգեսը մոտ է իտալական «Ռոմա» տեղափոխվելուն:
RomaNews-ի համաձայն՝ 33-ամյա ֆուտբոլիստը ժամանել է Հռոմ, որտեղ բուժզննում է անցել «Ռոմայի» համար: Պետրոն «Ռոմայի» հետ կկնքի 3 տարվա պայմանագիր՝ տարեկան 3 միլիոն եվրո աշխատավարձով:
Հիշեցնենք, որ իսպանացին 2015-ին կատալոնական «Բարսելոնայից» էր տեղափոխվել «Չելսի», որի հետ պայմանագրի ժամկետը լրացրել էր այս ամռանը:
