Տերմինատորը վերադառնում է էկրան «Terminator Zero» անվանմամբ նոր սերիալով, որը կհայտնվի Netflix-ի եթերում։

Սերիալը  անիմե է՝ բաղկացած ընդհանուր առմամբ ութ դրվագներից։ Netflix Anime-ն X-ի իր միկրոբլոգում տեղեկացրել է թողարկման օրվա մասին, ինչպես նաեւ տեղադրել է պոստեր, որպեսզի երկրպագուները պատկերացում ունենան այն մասին, թե ինչպիսին է լինելու սերիալը։

«Ահեղ դատաստանի օրն ավելի շուտ կգա, բաց մի թողեք «ՏԵՐՄԻՆԱՏՈՐ ԶԵՐՈՆ» օգոստոսի 29-ին, եւ միայն Netflix-ում»,- վկայում է մակագրությունը։ Լուսանկարում պատկերված է ռոբոտի ձեռքը, որը բռնել է մարդը, երբ քաղաքում մոլեգնում է հրդեհը։