Ադրբեջանը հույս ունի ստանալ Շանհայի համագործակցության կազմակերպության դիտորդի կարգավիճակ։ Այս մասին հայտարարել է Ադրբեջանի ԱԳՆ խոսնակ Այխան Հաջիզադեն։ Վերջինս նշել է, որ Բաքուն մեծ հույսեր է կապում ներկայումս ընթացող ռեգիոնալ ինտեգրացիոն գործընթացներից եւ դրանում Բաքվի ունեցած դերակատարությունից, եւ այդ ամենը հաշվի առնելով՝ հույս ունի, որ կստանա դիտորդի կարտավիճակ ՇՀԿ-ում։
Ադրբեջանը, հիշեցնենք, որ ներկայումս Շանհայի համագործակցության կազմակերպությունում ունի «երկխոսության գործընկերոջ» կարգավիճակ։ Կազմակերությանն արդեն անդամակցել է Բելառուսը, որով կազմակերպության անդամների թիվը դարձել է տասը՝ Հնդկաստան, Իրան, Ղազախստան, Չինաստան, Ղրղզստան, Պակիստան, Ռուսաստան, Տաջիկստան, Ուզբեկստան եւ Բելառուս։