Գրել էինք, որ քիչ առաջ վարչապետ Նիկոլ Փաշինյանի գլխավորությամբ մեկնարկել է կառավարության հերթական նիստը։ Այսօրվա նիստի օրակարգում կա 53 հարց, որից 5-ը չի զեկուցվում, ևս երկու հարց էլ գաղտնի է։

Կառավարությունը քիչ առաջ ևս յոթ տարով երկարաձգեց զանգվածային ոչնչացման զենքի տարածումը կանխելուն ուղղված` ԱՄՆ-ի հետ կնքված համաձայնագիրը։  Համաձայնագիրը, հիշեցնենք, ստորագրվել է 2000 թ. հուլիսի 24–ին Վաշինգտոնում, դրա գործողության ժամկետը պարբերաբար երկարաձգվել է։

Ժամկետն ավարտվել էր 2023 թ. նոյեմբերի 23–ին։ Կառավարության այսօրվա որոշմամբ համաձայնագիրը կգործի մինչև 2030 թ. նոյեմբերի 24-ը։