Ադրբեջանը սրում է հակամարտությունը Ֆրանսիայի հետ՝ Հայաստանին այդ երկրի կողմից զենք մատակարարելու ֆոնին, գրում է Bloomberg-ը։
Նշվում է, որ Բաքվի նախաձեռնող խումբը, որը սերտ կապեր ունեցող կազմակերպություն է Ադրբեջանի կառավարության հետ, քարոզարշավ է իրականացնում մի քանի շրջաններում Փարիզի կառավարմանը վերջ տալու համար՝ աջակցելով տեղական ակտիվիստներին այնպիսի վայրերում, ինչպիսիք են Պոլինեզիան և Նոր Կալեդոնիան:
Ըստ հոդվածի՝ Բաքվի և Փարիզի միջև առճակատումը, ամենայն հավանականությամբ, կսրվի, քանի որ Ֆրանսիան, որտեղ բնակվում է մեծ հայկական սփյուռք, Երևանի հետ զենքի մատակարարման պայմանագիր է կնքել:
Ակնկալվում է, որ Փարիզը կշարունակի իր ռազմական աջակցությունը Հայաստանին՝ անկախ նախագահ Էմանուել Մակրոնի նշանակած արտահերթ ընտրությունների արդյունքներից։
«Անշուշտ, Ադրբեջանն ինքը միլիարդավոր դոլարներ է ծախսել զենքի մատակարարումների վրա, այդ թվում՝ արտաքին ուժերից, ինչպիսիք են Թուրքիան, Իսրայելը և Ռուսաստանը։ Սա նրան օգնել է 2020 թվականից ի վեր երկու պատերազմ մղել Լեռնային Ղարաբաղի դեմ։
Միևնույն ժամանակ, ինչպես նշել է ֆրանսիացի փորձագետ Ֆուկ Վին Նգույենը, Եվրախորհրդարանը բանաձև է ընդունել, որով կոչ է անում դադարեցնել էներգետիկ համագործակցությունը Ադրբեջանի հետ երկրում քաղբանտարկյալների առկայության և մարդու իրավունքների խախտումների պատճառով»,- ասել է Bloomberg-ի փորձագետը՝ մատնանշելով Ադրբեջանի կողմից ուժի կիրառումը և ԼՂ-ում մարդու իրավունքների խախտումները։