Ամերիկյան Bloomberg պարբերականի հետ զրույցում Ուկրաինայի նախագահ Վլադիմիր Զելենսկին անակնկալ հայտարարություն է արել ՌԴ նախագահ Վլադիմիր Պուտինի վերաբերյալ։ Նա մասնավորապես ասել է, որ Պուտինին կարող են հրավիրել հաջորդ խաղաղության գագաթնաժողովին։ «Եթե հնարավորություն գտնվի նստելու բանակցությունների սեղանի շուրջ, Զելենսկին թեեւ ակնկալիք չունի, որ առաջիկայում Պուտինի մասով նման հնարավորություն կլինի, սակայն եւ չի բացառում, որ Պուտինին կհրավիրեն հաջորդ գագաթնաժողովին»,- ասված է հրապարակման մեջ։

Հիշեցնենք, որ այս տարվա հունիսի 15-16-ին Շվեյցարիայում տեղի ունեցավ Ուկրաինայի հարցով կոնֆերանս՝ Լյուցերն քաղաքից ոչ հեռու գտնվող Բրյուգենշտոկ առողջարանային բնակավայրում։ Այն թեեւ բավական ներկայացուցչական էր, սակայն ռեալ արդյունքներ ռուս-ուկրաինական հակամարտությունում խաղաղության հաստատման մաով, ունենալ չկարողացավ։ Կրեմլը նախապես հայտարարել էր, որ հակամարտության կարգավորումների որոնումն առանց ՌԴ մասնակցության բացարձակապես անտրամաբանական է եւ անհեռանկարային։