Սևանում որոնվող 25-ամյա կոմպոզիտոր Անահիտ Հակոբի Մնացականյանի դին այսօր գտնվել է՝ ջրահեղձ եղած վիճակում: Ավելի վաղ անհետ կորելու կապակցությամբ նախաձեռնվել էր քրեական վարույթ՝ ՀՀ քրեական օրենսգրքի 155-րդ հոդվածի (սպանություն) 1-ին մասի հատկանիշներով: Այժմ քննություն է ընթանում։ Հիշեցնենք, որ Անահիտ Մնացականյանը որոնվում էր հունիսի 1-ից:
Մայիսի 31-ի երեկոյան 25-ամյա կոմպոզիտոր Անահիտ Մնացականյանն այցելել է Սևանի վարչական տարածքում գործող Best Western Bohemian Resort հանգստյան գոտի։ Այդ գիշերվանից որոնվում է որպես անհետ կորած։ Այդ մասին ասված է Երևանի Կոմիտասի անվան կոնսերվատորիայի Ֆեյսբուքի էջում։