Կովկասում Հայաստանի հետ մեր պատմական կապերը քաջ հայտնի են: Այս մասին ասել է Հունաստանի արտգործնախարար Նիկոս Դենդիասը երկրի խորհրդարանում 2022 թ. բյուջեի քննարկումների ժամանակ:
«Արտաքին քաղաքականության մեջ մենք բախվում ենք հոսող, գերլարված ու անընդհատ փոփոխվող պատկերի։ Մենք օգտվում ենք յուրաքանչյուր հնարավորության պատուհանից՝ տեսնելով իրականությունը. Հունաստանն ու Կիպրոսը ընդլայնվող հարևան ունեն»,- նշել է Դենդիասը՝ անդրադառնալով Թուրքիայի քաղաքականությանը։
Նա նշել է, որ վերջին տարիներին աննախադեպ սադրանքներ են իրականացվում Էգեյան ծովում, Էվրոսում, Կիպրոսում, Արևելյան Միջերկրականում, ինչպես նաև Կովկասում, Իրաքում, Սիրիայում և Լիբիայում:
Դենդիասն ընդգծել է նաև օսմանյան նոր գաղափարախոսությունների ի հայտ գալը: