Փարիզում դեկտեմբերի 19-ին կայացած «Մանկական Եվրատեսիլ 2021»-ում Մալենան հաղթել էր՝ վաստակելով 224 միավոր։ Նա իր հետ բերել է հաղթական գավաթն ու «Մանկական Եվրատեսիլ 2022» մրցույթը Հայաստանում անցկացնելու ուղեգիրը:
Երգչուհու երկրպագուները, հարազատները և ընկերները նրան դիմավորել են դհոլ-զուռնայով, փուչիկներով, ծաղիկներով։
«Չէի սպասում, որ այսքան մարդ կգա, շատ շնորհակալ եմ նման վերաբերմունքի և քվեարկելու համար»,-լրագրողներին ասել է Մալենան։
Մանկական Եվրատեսիլ 2022 մրցույթի անցկացման ամսաթիվը և վայրը կհաստատվեն մոտակա ամիսներին։
