«Այս պահին մայրաքաղաքում ու մարզերում բոլոր ճանապարհները բաց են»,- ասվում է Ոստիկանության պարզաբանման մեջ:
Կապված երեկ տեղի ունեցած հայտնի դեպքի՝ «կենսաբանական մահ» ախտորոշմամբ Ֆրանսիայի հրապարակից հիվանդանոց տեղափոխված անձնավորության հետ, ոստիկանությունից հայտնում են, որ մայիսի 5-ին, ժամը 13․25-ին, ոստիկանության Կենտրոնական բաժին հաղորդում է ստացվել, որ 1981 թ․ ծնված Արթուր Ս.-ն վերակենդանացման բաժանմունքում, գիտակցության չգալով, մահացել է։ Արտաքին զննությամբ դիակի վրա բռնության հետքեր չեն հայտնաբերվել։ Նշանակվել է դատաբժշկական փորձաքննություն։ Նախապատրաստվում են նյութեր։
Ինչպես հայտնում են ոստիկանությունից, լրատվամիջոցներից մեկը անդրադարձել է երեկ Ֆրանսիայի հրապարակում տեղի ունեցած դժբախտ դեպքին՝ նշելով, որ վրաններից մեկում մահացած տղամարդը օրեր առաջ խնդիր է ունեցել ոստիկանների հետ: Հաղորդագրության մեջ նշվում է, որ նա ոչ մի առնչություն չի ունեցել ոստիկանների հետ, ինչպես և ակցիաների օրերին բերման չի ենթարկվել ոստիկանության որևէ բաժին: Ոստիկանությունը կոչ է անում տեղի ունեցած դժբախտ դեպքը չդարձնել շահարկումների առարկա։