Ադրբեջանցի քրեական հեղինակություն, օրենքով գող Նադիր Սալիֆովը կհուղարկավորվի Ստամբուլում: Այս մասին «Ազերբայջան» օրաթերթին հայտնել է քրեական հեղինակության եղբայր Մուշվիգ Սալիֆովը:
Ըստ տեղեկությունների, այդ որոշումը կայացվել է այն պատճառով, որ Նադիր Սալիֆովի ընտանիքը բնակվում է Թուրքիայում:
Հիշեցնենք, որ անցած գիշեր Նադիր Սալիֆովը սպանվել էր Անթալիայի հյուրանոցներից մեկում գլխին արձակված կրակոցներից: Մարդասպանը նույնպես քրեական հեղինակություն է Ադրբեջանից ՝ Խան մականունով: Մարդասպանը փախել է դեպքի վայրից, բայց ոստիկանների կողմից ձերբակալվել է Անթալիա - Դենիզլի մայրուղու վրա: