Ֆրանսիայի նախագահ Էմանուել Մակրոնը կարծում է, որ Թուրքիայի առաջնորդ Ռեջեփ Էրդողանը նպատակ ունի ապակայունացնել Եվրամիությունը:
Ինչպես հաղորդում է ՏԱՍՍ-ը, Մակրոնն այդ մասին ասել է Paris Match ամսագրին տված հարցազրույցում:
Նրա խոսքերով, Էրդողանը «Եվրոպայում վարում է էքսպանսիոնիստական քաղաքականություն՝ հիմնված ազգայնամոլության եւ իսլամիզմի խառնուրդի վրա, որը անհամատեղելի է եվրոպական շահերի հետ եւ հանդիսանում է Եվրոպայի ապակայունացման գործոն է»:
«Նման իրավիճակում Եվրոպան պետք է իրատեսորեն գնահատի տեղի ունեցողը եւ իր շահերին համապատասխան գործի: Ես բոլորովին կողմ չեմ սրացմանը, բայց սիմետրիկ գործողությունների անհրաժեշտությունից ելնելով՝ կարեւոր եմ համարում խուսափել անզոր դիվանագիտությունից», - ասել է Մակրոնը:
Միեւնույն ժամանակ, նա հիշեցրել է, որ «եվրոպական այն եզակի առաջնորդներից է, որը վերջին տարիներին անձնական հանդիպումներ է ունեցել Էրդողանի հետ»:
«Ես հյուրընկալել եմ նրան Փարիզում 2018 թվականի հունվարին: Շատերն ինձ քննադատել են դրա համար: Էրդողանը այն առաջնորդներից մեկն է, որի հետ ես խնդիրների ամենաերկար քննարկումներն եմ ունենում », - ասել է Մակրոնը: