Եվրոպայի առաջնությունից վերադարձած Վրաստանի ֆուտբոլի հավաքականին Թիբիլիսիում երկրպագուները դիմավորել են հանդիսավորությամբ և շատ էմոցիոնալ։
Չնայած Եվրոյի փլեյ-օֆֆի փուլում թիմի դուրս մնալուն՝ ֆուտբոլիստներին դիմավորել են որպես հաղթողներ:
Հազարավոր հուզված երկրպագուներ հավաքվել էին մայրաքաղաքի կենտրոնական հրապարակում՝ ողջունելու ազգային հավաքականի ֆուտբոլիստներին:
Մինչ այդ անդադար ծափահարությունների ներքո ֆուտբոլիստներով լի բաց ավտոբուսն անցել է մայրաքաղաքի կենտրոնական փողոցներով։
Հատկանշական է, որ ֆուտբոլիստներին ողջունելու համար հրապարակի բեմ են բարձրացել քաղաքական հակառակորդները՝ վարչապետ Իրակլի Կոբախիձեն և նախագահ Սալոմե Զուրաբիշվիլին:
Մամուլն անմիջապես նշել է, որ հավաքվածները նրանց տարբեր կերպ են դիմավորել։ Վարչապետ Կոբախիձեին հավաքվածները դիմավորել են «հիասթափված սուլոցներով», իսկ նախագահ Զուրաբիշվիլիին՝ ծափահարություններով։
Իրակլի Կոբախիձեն փորձել է երկու անգամ ելույթ ունենալ, սակայն արագ ընդհատել է ելույթները:
