Հայկական կողմի նախաձեռնությամբ ՌԴ նախագահ Վլադիմիր Պուտինը հեռախոսազրույց է ունեցել Հայաստանի վարչապետ Նիկոլ Փաշինյանի հետ։

Կրեմլի մամուլի ծառայության հաղորդմամբ՝ քննարկվել են Ռուսաստանի, Հայաստանի և Ադրբեջանի ղեկավարների միջև 2020-2022 թվականներին հայտնի համաձայնությունների ողջ շրջանակի իրականացման գործնական ասպեկտները, այդ թվում՝ հայ-ադրբեջանական սահմանին կայունության և անվտանգության ապահովման քայլերը, տարածաշրջանում տնտեսական և տրանսպորտային կապերի վերականգնման հարցերը, Հայաստանի և Ադրբեջանի միջև խաղաղության պայմանագրի նախապատրաստումը:

Լեռնային Ղարաբաղի շուրջ իրավիճակի քննարկման ժամանակ Վլադիմիր Պուտինն ընդգծել է բոլոր ի հայտ եկած խնդիրները կառուցողական եղանակով լուծման, կողմերի և ռուս խաղաղապահների միջև սերտ շփման և փոխգործակցության անհրաժեշտությունը։