Անտառների կայուն կառավարումը, պահպանությունը, պաշտպանությունը, վերականգնումը, անտառապատման և ռեսուրսների արդյունավետ օգտագործման ապահովումը շրջակա միջավայրի նախարարության գործառույթների գերակա ուղղություններն են և չափազանց կարևոր մեր երկրի տնտեսության դիվերսիֆիկացման և զարգացման առումով։

 

Հայաստանի Հանրապետության անտառածածկ տարածքը վերջին հաշվառման տվյալներով կազմում է 332332 հա, ինչը երկրի ընդհանուր մակերեսի 11․1%-ն է։

 

ՀՀ կառավարությունն ունի հստակ հանձնառություն և քաղաքական կամք՝ պահպանելու, վերականգնելու և ընդլայնելու անտառները և անտառածածկ տարածքները։Մեր երկրի ստանձնած միջազգային պարտավորությունների համաձայն՝ մինչև 2050 թվականը Հայաստանի անտառածածկ տարածքները պետք է կրկնապատկվեն։

 

Այսօր մենք պետք է համատեղ ուժերով ու մեծ նվիրումով լծվենք անտառների պահպանության և վերականգնման շնորհակալ գործին, քանզի միասնականությունն ու համատեղ ջանքը հաջողության միակ ուղին է։