Երեկ Կրեմլում տեղի է ունեցել Ռուսաստանի և Չինաստանի նախագահներ Վլադիմիր Պուտինի և Սի Ծինփինի ոչ պաշտոնական հանդիպումը: Այն տևել է շուրջ 4,5 ժամ։
Երկու երկրի ղեկավարները քննարկել են ընդհանուր հետաքրքրության մի շարք հարցեր, ինչպես նաև Ուկրաինայի շուրջ ստեղծված իրավիճակը: Նրանք նշել են, որ Ռուսաստանը և Չինաստանը կշարունակեն զարգացնել երկկողմ հարաբերությունները և գործակցել՝ նպաստելու աշխարհում բազմաբևեռության հիմնարար սկզբունքների ամրապնդմանը:
Սա Սի Ծինփինի առաջին միջազգային այցն է նախագահի պաշտոնում երրորդ ժամկետով վերընտրվելուց հետո: Նա Ռուսաստանում կլինի մինչև մարտի 23-ը: Այսօր արդեն նախատեսված է նախագահների պաշտոնական հանդիպումը:
Ռուսաստանի վարչապետ Միխայիլ Միշուստինը շնորհակալություն է հայտնել Չինաստանի նախագահ Սի Ցինպինին մեծ ուշադրության համար, որ նա հատկացնում է Ռուսաստանի և Չինաստանի միջև բարեկամության և գործընկերության զարգացմանը։
«Նախ ցանկանում եմ շնորհավորել Չինաստանի Ժողովրդական Հանրապետության նախագահի պաշտոնում վերընտրվելու կապակցությամբ: Եվ ես անկեղծորեն շնորհակալություն եմ հայտնում անձնական մեծ ուշադրության համար, որը դուք ցուցաբերում եք Ռուսաստանի և Չինաստանի միջև բարեկամության և գործընկերության զարգացմանը», - ասել է Միշուստինը։
Նա ընդգծել է Սի Ցզինպինի վերընտրվելուց հետո Ռուսաստան կատարած իր առաջին արտասահմանյան այցի կարևորությունը:
«Սա վկայում է ռուս-չինական հարաբերությունների նոր դարաշրջան մտնելու առանձնահատուկ բնույթի մասին»,- ասել է Միշուստինը։