Եվրամիությունը կոչ է արել Հայաստանին և Ադրբեջանին օգտվել «պատմական հնարավորությունից»՝ լուծելու տարաձայնությունները և վերադառնալ բանակցությունների սեղանի շուրջ։
«Մենք կոչ ենք անում երկու երկրների (Հայաստանի և Ադրբեջանի) ղեկավարներին օգտագործել պատմական հնարավորությունը այս հակամարտությունը՝ վերջնականապես լուծելու և բովանդակալից երկխոսության վերադառնալու համար»,- ասել է Հարևանության և ընդլայնման հարցերով եվրոպական հանձնակատար Օլիվեր Վարհելին Բաքվի և Բրյուսելի միջև հարաբերությունների վերաբերյալ Ստրասբուրգում Եվրախորհրդարանի լիագումար նիստում քննարկումների ժամանակ՝ հավելելով, որ շատ կարևոր հարցեր պահանջում են հրատապ լուծում:
Նա լիակատար աջակցություն է հայտնել Եվրոպական խորհրդի ղեկավար Շառլ Միշելի ջանքերին, որոնք ուղղված են երկխոսությանը Ադրբեջանի և Հայաստանի ղեկավարների միջև խաղաղ գործընթացին առնչվող բոլոր հարցերի շուրջ, ներառյալ՝ ապագա խաղաղության պայմանագիրը և սահմանների սահմանազատումը:
Եվրահանձնակատարի խոսքով՝ Եվրամիությունը առաքելություն է տեղակայել Հայաստանում (EUMA) լարվածությունը նվազեցնելու և խաղաղ գործընթացին աջակցելու համար:
«Սա կարևոր քայլ է կայունության ամրապնդման և տարածաշրջանում ԵՄ դերի ամրապնդման համար»,- ասել է նա։
Վերջինս ընդգծել է, որ իրենք պատրաստ են շարունակել աջակցել Ադրբեջանին՝ լինի խաղաղ գործընթացի խթանման, թե մարդասիրական օգնության և ականազերծման հարցում շարունակական տրամադրման միջոցով:
