Այս մասին «ՀՀ-Արևելյան գործընկերություն-ԵՄ. գործընկերության մարտահրավերները և հնարավորություններ» խորագրով քննարկման ժամանակ ասաց ԱԺ եվրոպական ինտեգրման հարցերի մշտական հանձնաժողովի ղեկավար Արման Եղոյանը:
«Եվրաինտեգրումը պրոցես է, ոչ թե մրցավազք: Այսօր ԵՄ անդամ երկրներն էլ են եվրաինտեգրվում, եկեք եվտաինտեգրում բառը չօգտագործենք հայեցողաբար: Եթե խոսում ենք անդամակցությունից, ուրեմն խոսում ենք դրանից՝ ե՞րբ ենք հայտը ներկայացնում, ի՞նչ ենք ակնկալում, ի՞նչ պետք է ստանանք, եկեք խոսենք այդ տերմիններով, որ մարդիկ շփոթության մեջ չընկնեն: Ուզո՞ւմ ենք հետ բերել ասոցացման համաձայնագիրը, որը չստորագրեց Սերժ Սարգսյանը: Եթե ուզում ենք ԵՄ անդամակցության հայտ ներկայացնել, սկզբից պետք է դարակից հանենք Սերժ Սարգսյանի ասոցացման համաձայնագիրը, դրա համար պետք է դուրս գանք ԵԱՏՄ-ից կամ գոնե ասենք, որ պատրաստվում ենք դուրս գալ»,- ասաց Եղոյանը:
