Ռուսաստանի նախագահ Վլադիմիր Պուտինը ժամանել է Աստանա, որտեղ կմասնակցի Շանհայի համագործակցության կազմակերպության գագաթնաժողովին: Այդ մասին ասվում է Կրեմլի հաղորդագրության մեջ։
Պուտինն Աստանայում կշփվի առնվազն վեց օտարերկրյա պետության ղեկավարի հետ։ Նրանց թվում են Թուրքիայի նախագահ Ռեջեփ Էրդողանը և Չինաստանի ղեկավար Սի Ցզինպինը։ Սպասվում են նաև բանակցություններ Ադրբեջանի, Ղազախստանի, Մոնղոլիայի, Պակիստանի առաջնորդների հետ: Հինգշաբթի օրը համաձայնեցվել են շփումները Իրանի նախագահի ժամանակավոր պաշտոնակատար Մոհամմադ Մոհբերի հետ։ Չեն բացառվում նաև այլ հանդիպումներ։ Բուն գագաթնաժողովի ծրագիրը ներառում է միջազգային և տարածաշրջանային օրակարգի քննարկում, ինչպես նաև 24 փաստաթղթերի ստորագրում:
