Ապրիլի 24-ին լրանում է Հայոց ցեղասպանության 106-րդ տարելիցը, ինչի կապակցությամբ ապրիլի նախատեսված է միջոցառումների շարք՝ «Հիշատակի եռերգություն» խորագրով, որը կեզրափակվի ապրիլի ժամը 19:15-ին, կհնչի Տիգրան Մանսուրյանի «Ռեքվիեմը»: Համերգը Հայաստանի պետական սիմֆոնիկ նվագախմբի, Հայաստանի պետական կամերային երգչախմբի և Երևանի պետական կամերային երգչախմբի կատարմամբ տեղի կունենա Կարեն Դեմիրճյանի անվան մարզահամերգային համալիրում: Ներկա են լինելու Հայոց ցեղասպանության 106-րդ տարելիցի առիթով Հայաստան ժամանած բարձրաստիճան պատվիրակությունների անդամները:
Ինչպես հայտնում է 1lurer.am-ը՝ Ֆեյսբուքում երեկվանից արշավ է սկսվել ՀՀԿ-ամերձ շրջանակների կողմից. կոչ են անում բոյկոտել այսօր կայանալիք համերգ-ընդունելությունը: Նրանց հետ չի պահել անգամ Հայոց ցեղասպանության զոհերի տարելիցի օրը: Համերգը բոյկոտողների թվում են Վատիկանում ՀՀ նախկին դեսպան Միքայել Մինասյանը, ՀՀԿ փոխնախագահ Արմեն Աշոտյանը, ՀՀԿ-ական նախկին պատգամավոր Մարգարիտ Եսայանը, Արցախի նախկին ՄԻՊ Ռուբեն Մելիքյանը, նույն շրջանակի այլ անդամներ:
