«ՀՀ ԶՈՒ ուժերի պատրաստության գլխավոր վարչության պետ, զինված ուժերի գլխավոր շտաբի պետի տեղակալ Անդրանիկ Մակարյանին մեղադրանք է առաջադրվել ՀՀ ՔՕ 376 հոդվածի 3-րդ մասով»,- այս մասին ՀԺ-ին ասաց ՀՀ քննչական կոմիտեի մամուլի խոսնակ Վարդան Թադրոսյանը:
Թադևոսյանը նշեց, որ վերջինիս նկատմամբ խափանման միջոց է ընտրվել ստորագրություն չհեռանալու մասին։
Նշենք, որ ՀՀ ՔՕ 376 հոդվածի 3-րդ մասը սահմանում է՝ անփույթ վերաբերմունքը ծառայության նկատմամբ. սույն հոդվածի առաջին կամ երկրորդ մասով նախատեսված արարքները, եթե դրանք կատարվել են ռազմական դրության, պատերազմի ժամանակ կամ մարտի պարագաներում, պատժվում են ազատազրկմամբ՝ չորսից ութ տարի ժամկետով:
Փորձեցինք կապ հաստատել Մակարյանի հետ, սակայն նա մեր հեռախոսազանգերին չպատասխանեց:
Հիշեցնենք, որ ավելի վաղ Գլխավոր դատախազի խորհրդական Գոռ Աբրահամյանը հարուցված քրեական գործի, մեղադրանքի բովանդակության վերաբերյալ հավելյալ տեղեկատվություն չէր փոխանցել:
