Ապրիլի 23-ին կայացավ Զինվորի տան Պրոթեզավորման կենտրոնի բացման արարողությունը, որի ընթացքում ԻՄ ՔԱՅԼԸ հիմնադրամին շնորհվեց «Զինվորի տան բարեկամ» պատվոգիրը՝ ի երախտագիտություն Հիմնադրամի ցուցաբերած ֆինանսական աջակցության:
ԻՄ ՔԱՅԼԸ հիմնադրամը 2019 թվականից ի վեր Հայրենիքի պաշտպանի Վերականգնողական կենտրոնին հատկացրել է 360 միլիոն դրամ, այդ թվում նաև՝ պրոթեզավորման կենտրոնի ստեղծման և ապաստարանի կառուցման համար:
Հիմնադրամի աջակցությամբ մեծացվել է նաև Զինվորի տան թողունակությունը՝ համալրվելով նոր հիվանդասենյակներով, ֆիզոթերապիայի և էրգոթերապիայի նոր մարզադահլիճներով, ցավի կառավարման կաբինետով և էքսպրես լաբորատորիայով:
Հիմնադրամը իր խորին շնորհակալությունն է հայտնում ամերիկահայ բարերար Ջորջ Բաղումյանին՝ հայրենիքի պաշտպանների կողքին լինելու և նրանց կյանքի որակի բարձրացմանն ուղղված գործուն ջանքերին աջակից լինելու համար:
