Ազգային ժողովի հատուկ նիստում ընթանում է վարչապետի ընտրության հարցի քննարկումը: Նիկոլ Փաշինյանի թեկնածությունը խորհրդարանին ներկայացրեց «Իմ քայլը» խմբակցության ղեկավար Լիլիթ Մակունցը:
Իր ելույթի հնարավորությունից օգտվելով՝ Փաշինյանն ասաց, որ այսօր հավաքվել են՝ ի կատար ածելու այն պայմանավորվածությունը, որ ձեռք էր բերվել խորհրդարանական խմբակցությունների եւ Հանրապետության նախագահի հետ հունիսի 20-ին անցկացնել արտահերթ ընտրություններ:
«Այսօր առաջին փուլն է ընտրությունների: Այս ընթացքում շատ քննարկումներ, շահարկումներ են լինում, որ՝ ահա, ինչ-որ մի պահի ինչ-որ ուժեր փորձելու են երկրորդ փուլում այլ սցենար զարգացնել: Ես նախորդ անգամ ասել եմ, որ եթե այդպիսի փորձեր լինեն՝ պայմանավորվածություններ խախտելու, «Իմ քայլը» խմբակցությունը պատրաստի լուծում ունի՝ կընտրի վարչապետ: Եվ ես հույս ունեմ, որ պայմանավորվածությունները որեւէ կերպ խախտելու փորձեր չեն արվի»,- ընդգծեց վարչապետը:
Հաջորդիվ Փաշինյանի ամբողջ ելույթը կորոնավիրուսի դեմ պատվաստումների մասին էր:
