«Հայրենիքի պաշտպանի վերականգնողական կենտրոնում» այսօր տեղի ունեցավ պրոթեզավորման նոր կենտրոնի բացման արարողությունը: Այն կհամալրվի ժամանակակից սարքավորումներով, որոնց շնորհիվ Արցախյան երկրորդ պատերազմի ընթացքում վիրավորում ստացած այն զինվորները, ովքեր զրկվել են ոտքերից կամ ձեռքրից, այսուհետ կունենան որակյալ և ֆունկցիոնալ պրոթեզներ:
Կենտրոնի բացմանը ներկա էին Երևանի պետական բժշկական համալսարանի ռեկտոր Արմեն Մուրադյանը, Կրթության, գիտության, մշակույթի և սպորտի նախարար Վահրամ Դումանյանը, Առողջապահության նախարար Անահիտ Ավանեսյանը, Հայաստան համահայկական հիմնադրամի գործադիր տնօրեն Հայկակ Արշամյանը և այլոք:
Բժշկական համալսարանի ռեկտորը հանդես գալով բացման խոսքով՝ պրոթեզավորման նորաբաց կենտրոնն անվանեց կենտրոնի ազգային արժանապատվության և հպարտության կենտրոն: Ըստ նրա, այս կենտրոնը ի ցույց է դնելու հայ զինվորի անկոտրուն կամքը:
«Ցավոք, այս տարի բժշկական համալսարանը չի կարող գրանցել հաջողությունների այն շարքը, որը ունեցել է 100 տարի շարունակ: Արցախյան երկրորդ պատերազմի ընթացքում համալսարանի 33 ուսանողներ իրենց կյանքը նվիրել են Հայրենիքին: Այս կենտրոնը բժշկական համալսարանի և գործընկերների համատեղ աշխատանքի արդյուքն է: Այս կենտրոնն այն առացնք է, որի շուրջ հասարակությունը կարող է ունենալ համաձայնություն, տեսանելի արժանապատվություն, աշխարհի համար ի ցույց դնելով անկոտրուն հայ զինվորի կամքը և հայ հասարակության միասնականությունը: Վերականգնողական կենտրոնը ունենալով պրոթեզավոման ամբողջական հնարավորություն վերաձևավորվեց որպես հայոց զինվորի տուն, և ողջունելով բոլորիդ կցանկանամ այս ամբիոնից ասել՝ կեցցե՛ հայ զինվորը կեցցե՛ հայ բժիշկը, կեցցե՛ անկոտրուն հայոց կամքը և հայոց պետականությունը»,- ասաց նա:
ԿԳՄՍ նախարար Վահրամ Դումանյանն իր խոսքում շեշտեց՝ պրոթեզավորման նոր կենտրոնը պատերազմին մասնակցած զինվորների անձնազոհության դիմաց նվազագույն երախտագիտությունն է: «Շնորհակալ եմ ձեր դիմելաձևի համար՝ սիրելի դիմելաձևի, ես ուզում եմ, որ բոլորս այսուհետ միմյանց դիմենք սիրելի բառով, և այդ բառը արտահայտում է այն ներնքաշխարհը, որ մենք ունենք մեր երկրի, ժողովրդի, հայրենիքի, մեր զինվորների և մեր ամեն ինչի նկատմամբ: Սիրելի զինվորներ, դուք հայրենասիրության նվիրումի անձնազոհության փայլուն օրինակներ եք, մենք հավերժ պարրտական ենք ձեզ, դուք միշտ և ամենուր արժանի եք լավագույնին: Շնորհակալ եմ Երևանի պետական բժշկական համալսարանին, Աջակցություն վիրավոր զինվորին, Հայասատ համահայկական հիմնադրամին, Նիդեռլանդերի հայ համայնքին և բոլոր նրանց, ովքեր աջակցել են պրոթեզովորման կենտրոնի բացմանը: Թող այստեղ գտնվող զինվորներից բացի ոչ մեկին պրոթեզավորելու կարիք այլևս կարիք չլինի»,- ասաց նախարարը, իր խոսքում հատուկ առանձնացնելով և անձնական շնորհակալություն հայտնելով՝ Հայրենիքի պաշտպանի վերականգնողական կենտրոնի տնօրեն Հայկուհի Մինասյանին և բժշկական համալսարանի ռեկտոր Արմեն Մուրադյանին:
Առողջապահության նախարար Անահիտ Ավանեսյանն էլ նշեց՝ այս առիթը ևս մի խորհուրդ ունի ի հեճուկս բոլոր այն տառապանքին, ցավին և կորուստին, որ հայ ազգը ունակ է շարժվելու առաջ և վերականգնվելու: «Թող այս խաղաղ պահը մեզ հիշեցնի, որ մենք պարտք ունենք՝ յուրաքանչուրս մեր ոլորտում: Ես վստահ եմ, որ ամեն մի զինվոր, որ այստեղով անցնի, պետք է զգա այն սերը և ջերմությունը, որը որ մեր սրտերում է: Կենտրոնը ստեղծվել է մեր վախերը ամոքելու հիմքի վրա և նաև լինելու է տարածաշրջանում մեզ հպարտություն պարգևող կենտրոններից մեկը»,- հավելեց նախարարը:
