Երևանի հ. 181 հիմնական դպրոցի երրորդ դասարանի աշակերտներն այցելել են «Երևանի աղբահանություն և սանիտարական մաքրում» համայնքային հիմնարկ, ծանոթացել կառույցի աշխատանքներին:

Տեղեկությունը հայտնում է քաղաքապետարանի լրատվական ծառայությունը:

Նշվում է, որ 2019-ի ամռանը ձևավորված համայնքային հիմնարկն արդեն 112 միավոր հատուկ տեխնիկա ունի: Շնորհակալություն հայտնելով հետաքրքիր էքսկուրսիայի համար՝ մանկավարժները նշել են, որ սա ևս մեկ հնարավորություն էր դպրոցականներին ցույց տալու շրջակա միջավայրն ու մայրաքաղաք Երևանը մաքուր պահելու կարևորությունը: