Պետական ծրագրերից բացի, մասնավոր ընկերությունների կողմից նույնպես շարունակվում են այն ծրագրերը, որոնք մեկնարկել էին դեռ Ադրբեջանի սեպտեմբերյան ագրեսիայից առաջ։ Խոշորներից մեկը՝ նախկինում Ջերմուկի ամենահայտնի առողջարանի ծրագիրն է․
ԽՍՀՄ տարիներին Ջերմուկի ամենահայտնի և ամենամեծ /500 տեղ/ առողջարանային համալիրն ամբողջովին կվերանորոգվի և կվերաբացվի՝ նոր տեսքով ու ոճով, հայտնում են Ջերմուկի համայնքապետարանից:
«Ջերմուկ Գրուպ» ընկերության կողմից գնված Ջերմուկի «Գլաձոր» առողջարանը, որը արդեն երկար տարիներ է, ինչ աշխատում էր մասամբ և սեզոնային, վերանորոգվելուց հետո կվերաբացվի՝ ոչ միայն ստեղծելով առողջարանային զբոսաշրջության ոլորտում բաձրակարգ ծառայություններ մատուցող ևս մեկ կառույց, այլ նաև մոտ 250 աշխատատեղի հնարավորություն ստեղծելով բնակիչների համար։
