Վարչապետի աշխատակազմի ղեկավար Արայիկ Հարությունյանը լրագրողների հետ ճեպազրույցում հայտարարել է, որ ժողովրդավարական գործընթացները ՀՀ-ում հասել են այն մակարդակի, երբ այլևս մեկ անձի իշխանության հաստատման վտանգներ չունենք։
Անդրադառնալով ՔՊ վարչության նախագահի պաշտոնում վարչապետ Նիկոլ Փաշինյանի ընտրվելուն, նա նշել է. «Սա շատ ընդունված ձև է ամբողջ աշխարհում, շատ քիչ երկրներում է այլ կերպ, խորհրդարանական կառավարման համակարգի զարգացման առումով սա նույպես կարևոր քայլ էր»։
Նա խոսել է ՔՊ վարչության ընտրությունների մասին՝ շեշտելով. «Վարչության կազմում ընտրվել են այն մարդիկ, ում ընտրել են կուսակցական պատվիրակները, ամբողջ գործընթացը ուղիղ հեռարձակմամբ բոլորի աչքի առաջ է եղել։ Սա ամենաժողովրդավարական կուսակցությունն է, որ երբևէ գոյություն է ունեցել ՀՀ-ում՝ իր ներքին և արտաքին գործընթացներով»։
Արայիկ Հարությունյանն անդրադարձել է նաև հայկական կողմից Լուկաշենկոյի վերջին հայտարարություններին կոշտ պատասխանի հնարավորությանը․ Նրա խոսքով. «Հո սա բռնցքամարտ չի, որ կոշտ ու փափուկ պատասխաններ լինեն, մենք մարտավարություն ունենք ու ըստ դրա ենք գործում»։
