Հայաստանի Հանրապետության սահմաններին կատարվող իրադարձություններին հետևում ենք անհանգստությամբ, և ազատամարտիկ Արթուր Եպիսկոպոսյանի մտագոհությունները՝ ադրբեջանցիների ոտնձգությունների հետ կապված, ինձ համար հասկանալի են:
Այս մասին «Արցախպրես» լրատվական գործակալության հետ զրույցում ասել է «Արցախի պահեստազորի սպաների միություն» ՀԿ նախագահ, ազատամարտիկ Կարմեն Ասլանյանն՝ անդրադառնալով այսօր Արթուր Եպիսկոպոսյանի (Մոնախ) կողմից Ստեփանակերտ-Գորիս մայրուղու փակման դեպքին:
«Սակայն անընդունելի է Արցախը Մայր Հայաստանին կապող միակ ճանապարհի փակումը: Անընդունելի է՝ նախևառաջ հենց նույն մտահոգությունների պատճառով, քանի որ Գորիս-Ստեփանակերտ ճանապարհը պետք է անխափան գործի ցանկացած պարագայում: Կարծում եմ՝ սա լավ են հասկանում հատկապես զինվորական ճանապարհ անցած մարդիկ»,- ասել է մեր զրուցակիցը՝ հորդորելով հետագայում բացառել նման տիպի արկածախնդիր ու վտանգավոր գործողությունները: