Ամիսներ շարունակ վարչապետին զեկուցվում էր սխալ ինֆորմացիա, լրագրողների հետ հանդիպմանն ասաց ՊՎԾ նախկին պետ Դավիթ Սանասարյանը:
«Մինչև քրեական գործի հարուցվելը, ամիսներ շարունակ վարչապետին զեկուցվում էր սխալ ինֆորմացիա՝ արդեն թոշակի գնացած մի պաշտոնյայի կողմից: Բոլորդ գիտեք ավտոմեքենայի վերաբերյալ խոսակցությունը, տարատեսակ սուտ ինֆորմացիաներ էին շրջանառվում: Ամեն անգամ ես վարչապետին ներկայացրել եմ, որ սուտ են այդ ինֆորմացիաները», - նշեց Սանասարյանը:
Վերջինս հավելեց, որ շինծու մեղադրանքով իր նկատմամբ քրգործ հարուցելը աղերս չունի իրավական նորմերի հետ:
Հիշեցնենք, որ Դավիթ Սանասարյանին մեղադրանք է առաջադրվել՝ Քրեական օրենսգրքի 308-րդ հոդվածի 2-րդ մասի և 325-րդ հոդվածի 2-րդ մասի հատկանիշներով հարուցված քրեական գործի շրջանակում:
