Բժիշկները «կյանքին սպառնացող» են գնահատում մահափորձի ենթարկված Սլովակիայի վարչապետի վիճակը
▲ Դեպի վեր
  • Երեվան 24°C
    33%
    11 կմ/ժ
  • Շիրակ 15°C
    72%
    9 կմ/ժ
  • Լոռի 16°C
    81%
    5 կմ/ժ
  • Տավուշ 17°C
    88%
    8 կմ/ժ
  • Արարատ 25°C
    59%
    9 կմ/ժ
  • Սյունիք 21°C
    69%
    11 կմ/ժ
  • Արմավիր 25°C
    36%
    17 կմ/ժ
  • Գեղարքունիք 12°C
    84%
    3 կմ/ժ
  • Արագածոտն 23°C
    33%
    11 կմ/ժ
  • Կոտայք 21°C
    55%
    9 կմ/ժ
  • Արցախ 20°C
    80%
    9 կմ/ժ
:
  • Եվրո = 385.1006
  • Ռուբլի = 4.36613
  • Դոլար = 388.49

Բժիշկները «կյանքին սպառնացող» են գնահատում մահափորձի ենթարկված Սլովակիայի վարչապետի վիճակը

Բժիշկները «կյանքին սպառնացող» են գնահատում մահափորձի ենթարկված Սլովակիայի վարչապետի վիճակը

Մայիսի 15-ին մահափորձի ենթարկված Սլովակիայի վարչապետ Ռոբերտ Ֆիցոյի վիճակը ծանր է, նրա կյանքը վտանգված է: Այդ մասին հաղորդում են միջազգային լրատվամիջոցները՝ հիմնվելով Սլովակիայի կառավարությունում իրենց աղբյուրներին:

The Guardian-ը հայտնում է, որ Ֆիցոյի վիճակը գնահատվում է «կյանքի համար վտանգ ներկայացնող»: Պարբերականի տվյալներով՝ նրան տեղափոխել են Բանսկա Բիստրիցա քաղաքի հիվանդանոց, քանի որ մայրաքաղաք Բրատիսլավա հասնելու համար չափազանց շատ ժամանակ կպահանջվեր: Սակայն, սկզբում վարչապետին տեղափոխել են Գանդլովա քաղաքի հիվանդանոց։ Այդ ժամանակ Ֆիցոն եղել է գիտակից վիճակում:

Ֆիցոն հրազենային վիրավորում է ստացել Բրատիսլավայից 150 կմ հեռու գտնվող Գանդլովա քաղաքում տեղի ունեցած հրաձգության ժամանակ։ Նշվում է, որ միջադեպը տեղի է ունեցել այն շենքի դիմաց, որտեղ Ֆիցոն հանդիպում էր անցկացնում իր կողմնակիցների հետ։

Ոստիկանները բերման են ենթարկել կրակողին: Նրա դրդապատճառների մասին տեղեկություններ դեռ չեն հաղորդվում։

Արեւմտյան լրատվամիջոցները նշում են, որ Ֆիցոն մի քանի վերք է ստացել, այդ թվում՝ որովայնի խոռոչի շրջանում։ EFE գործակալությունը հայտնում է, որ կրակողը Սլովակիայի հարավ-արևելքում բնակվող 71-ամյա տղամարդ է: Ականատեսների վկայությամբ՝ նա զբոսնել է մոտակայքում: Տեսնելով, որ վարչապետը դուրս է գալիս շենքից, որպեսզի զրուցի տեղի բնակիչների հետ՝ նա արագ հանել է զենքը և կրակ է բացել։ Ականատեսները չորսից-հինգ կրակոց են արձանագրել: Անվտանգության ուժերը միանգամից անշարժացրել են կրակողին և հեռացրել դեպքի վայրից։

Թեմայի այլ նորություններ