Մայիսի 22-23-ին ՀՀ ԱԺ առողջապահության եւ սոցիալական հարցերի ու ՀՀ ԱԺ պետական-իրավական հարցերի մշտական հանձնաժողովները ՄԱԿ-ի զարգացման ծրագրի «Նոր Հայաստան՝ ժամանակակից խորհրդարան» ծրագրի շրջանակում կազմակերպեցին աշխատանքային քննարկում:
Հանդիպմանը մասնակցեցին ՀՀ աշխատանքի եւ սոցիալական հարցերի, ՀՀ արդարադատության նախարարությունների, ՀՀ դատախազության, ՀՀ հատուկ քննչական ծառայության, ՀՀ քննչական կոմիտեի, ՀՀ բարձրագույն դատական խորհրդի ներկայացուցիչներ:
Քննարկվեցին «ՀՀ դատական օրենսգիրք» սահմանադրական օրենքում փոփոխություն եւ լրացում կատարելու մասին» եւ «Պաշտոնատար անձանց գործունեության ապահովման, սպասարկման եւ սոցիալական երաշխիքների մասին» ՀՀ օրենքում փոփոխություններ կատարելու մաuին» օրենքների նախագծերը, որոնց նպատակը դատավորների կենսաթոշակային ապահովության համակարգում առկա խնդիրների լուծումն է: Օրենքների նախագծերը մարտի 4-ին ընդունվել են առաջին ընթերցմամբ, որից հետո նախագծերի վերաբերյալ ստացվել են մի շարք առաջարկություններ:
Խորքային եւ ընդհանրական քննարկումը հնարավորություն տվեց մինչեւ երկրորդ ընթերցում նախագծերը համապատասխանաբար լրամշակել՝ հաշվի առնելով շահագրգիռ բոլոր մարմինների առաջարկները:
