Ռուսաստանի նախագահ Վլադիմիր Պուտինը, սիրիական կողմի նախաձեռնությամբ, հեռախոսազրույց է ունեցել Սիրիայի նախագահ Բաշար ալ Ասադի հետ, հայտնում է Կրեմլի մամուլի ծառայությունը։
Կողմերը քննարկել են առևտրատնտեսական և հումանիտար կապերի զարգացումը, ինչպես նաև համագործակցությունը կորոնավիրուսի դեմ պայքարի ոլորտում՝ ներառյալ ռուսական պատվաստանյութերի մատակարարումը: Իր հերթին, Ասադը շնորհակալություն է հայտնել Պուտինին՝ սիրիացի ժողովրդին ցուցաբերած համապարփակ աջակցության և օգնության համար:
Հայտարարության մեջ նշված է․ «Սիրիայում տիրող իրավիճակի վերաբերյալ տեսակետներ փոխանակելիս՝ հատուկ ուշադրություն է դարձվել սահմանադրական հանձնաժողովի գործունեության շրջանակում միջսիրիական խաղաղ գործընթացի զարգացմանը»։
Բաշար ալ Ասադ անդրադարձել է նաև մայիսին կայանալիք Սիրիայի նախագահական ընտրությունների նախապատրաստությունններին։