Նարեկ Ղահրամանյանն ու Գոռ Երանյանը երդմամբ ստանձնեցին ՀՀ ազգային ժողովի պատգամավորական մանդատները՝ փոխարինելով «Իմ քայլը» խմբակցության պատգամավորական մանդատներից հրաժարված Արսեն Ջուլֆալակյանին և Արմեն Փամբուխչյանին:
ԱԺ հոկտեմբերի 6-ի նիստում ԱԺ նախագահ Արարատ Միրզոյանը հայտնեց, որ ԿԸՀ-ն ներկայացրել է ԱԺ պատգամավոր ընտրված և լիազորությունները վաղաժամկետ դադարեցրած պատգամավորներ Արսեն Ջուլֆալակյանի և Արմեն Փամբուխչյանի մանդատները հաջորդ թեկնածուներին տրամադրելու մասին արձանագրությունները: Մանդատները տրվում են «Իմ քայլը» կուսակցությունների դաշինիքի համապետական ընտրական ուցակի առաջին մասի հերթական հաջորդ թեկնածուներ Նարեկ Ղահրամանյանին և Գոռ Երանյանին:
Արսեն Ջուլֆալակյանը պատգամավորական մանդատը վայր դնելու համար ԱԺ նախագահին դիմել էր սեպտեմբերի 9-ին: Արմեն Փամբուխչյանի հրաժարականի դիմում էր ներկայացրել սեպտեմբերի 17-ին, նա ստանձնել է Արտակարգ իրավիճակների փոխնախարարի պաշտոնը:
