«Իմ քայլը» խմբակցությունը նախաձեռնել է Ազգային ժողովի արտահերթ նիստ. եթե խորհուրդը դրական որոշում կայացնի, նիստը տեղի կունենա վաղը՝ ժամը 11:00-ին:
Հարցը քննարկելու համար վաղը ժամը 10:00-ին խորհրդի նիստ է հրավիրվել:
Արտահերթ նիստի օրակարգում է լինելու «Քրեական օրենսգրքում փոփոխություններ եւ լրացումներ կատարելու մասին», «Վարչական իրավախախտումների վերաբերյալ օրենսգրքում փոփոխությունների մասին» եւ այլ նախագծեր:
Հիմնավորումներում նշվում է, որ վերը նշված նախագծերի ընդունումը կնպաստի ընտրական գործընթացների օրինականության բարձրացմանը: «Նոր կարգավորումների շնորհիվ Հայաստանի Հանրապետությունում անցկացվող ընտրությունները կդառնան ավելի ազատ, արդար եւ մրցակցային»,- ասվում է նախագծում:
