Կառավարության նիստից հեռո լրագրողների հետ զրույցում ՀՀ փոխվարչապետի պաշտոնակատար Տիգրան Ավինյանը անդրադառնալով Արտաքին գործերի փոխնախարարների պաշտոնակատարների ազատման դիմումներին և հարցին՝ ինչո՞ւ փոխնախարարներից մեկին չեն ազատել, Ավինյանը պատասխանեց:
«Չի կարող նախարարությունը մնալ առանց պաշտոնակատարի»:
Հարցին՝ ինչո՞ւմ է Արտաքին գործերիարդեն նախկին նախարար Արա Այվազյանը մեղադրում իշխանություններին, Ավինյանը լրագրողներին հորդորեց հենց Այվազյանին այս հարցն ուղղել:
«Բայց ես ուզում եմ մի շատ կարևոր բան արձանագրել: Մայիսի 12-ի միջադեպերից հետո գրեթե ամենօրյա ռեժիմով մենք ունցել ենք Անվտանգության խորհրդի նիստեր, և արտաքին գործերի նախարարն ի պաշտոնե այդ նիստերին մասնակցում էր: Այդ նիստերին քննարկվել են բոլոր այն որոշումները, որոնք կայացվել են: Բոլոր այն քննարկումները, որոնք մենք ունեցել ենք, անվտանգության խորհրդի բոլոր անդամները տեղյակ են եղել»:
Հարցին՝ Այվազյանը անհամաձայնություն ունեցե՞լ է Փաշինյանի այն առաջարկի հետ, որ պետք է հայելային եղանակով զորքերին հետ քաշել, փոխվարչապետի պաշտոնոկատարն ասաց, որ չի ցանկանում մեկնաբանել:
«Անհամաձայնության մասին թող Այվազյանը հայտնի»:
