Մեդիամաքս: Թուրքիան պատրաստ է աջակցել Ադրբեջանին ինչպես բանակցային սեղանի շուրջ, այնպես էլ մարտի դաշտում:
Ինչպես հաղորդում է Անադոլու գործակալությունը, այդ մասին այսօր ասել է Թուրքիայի արտաքին գործերի նախարար Մեվլութ Չավուշօղլու՝ այցելելով Անկարայում Ադրբեջանի դեսպանություն: Նա ասել է, որ եկել է ի նշան համերաշխության Ադրբեջանի ժողովրդի հետ, որն «արդար պայքար է մղում երկրի տարածքային ամբողջականության համար»:
Մեվլութ Չավուշօղլուն ասել է, որ հակամարտության կարգավորման միակ տարբերակը «Հայաստանի Զինված ուժերի դուրս բերումն է Ադրբեջանի տարածքից»:
