«Պահեստի զորամասերի ակտիվ ընդգրկմամբ մասշտաբային զորավարժությունների ընթացքը բավական դրական եւ բարձր եմ գնահատում»,-այս մասին այսօր ԱԺ նիստում ասաց պաշտպանության նախարար Դավիթ Տոնոյանը:
Ըստ նախարարի՝ զորավարժությունների ընթացքում գրանցվել են աննախադեպ ցուցանիշներ, որոնք կապված են զինծառայողների պատրաստվածության եւ զինված ուժերի՝ տարբեր ուղղություններով տեղաշարժի հետ։
«Ներկա պահին ես կարող եմ միայն նշել, որ կատարվում է վերլուծություն, որը կներկայացվի կառավարության քննարկմանը, եւ անհրաժեշտության դեպքում՝ համապատասխան խորհրդարանական հանձնաժողովի դիտարկմանը»,-նշեց Տոնոյանը։
Նշենք, որ զորավարժությունները կավարտվեն հոկտեմբերի 5-ին։
