ՀՀ Ազգային ժողովի փոխնախագահ Ալեն Սիմոնյանը իր ելույթի սկիզբը հասցեագրեց ադրբեջանցի ժողովրդին, երկրորդ հատվածը՝ սփյուռքում գտնվող մեր հայրենակիցներին:
Դիմելով ադրբեջանցիներին՝ Սիմոնյանը հայտարարեց, որ Ադրբեջանի իշխանություններն իրենց խաբում են, Ադրբեջանը ոչ մի հաջողություն ռազմական առումով չունի:
«Մեզ մոտ տպավորություն է, որ ադրբեջանցի զինվորներին նետում են մսաղաց, որ ինչ-որ պաշտոնյա կարողանա գրառում անի կամ լուսանկար տեղադրի համացանցում»,- նկատեց նա:
Այնուհետեւ անդրադառնալով այս պատերազմի ելքի վերաբերյալ իր պատկերացնումներին՝ Սիմոնյանն ասաց. «Վստահեցնում եմ, որ ադրբեջանցիները Արցախից նոր զինադադար են խնդրելու, իսկ Ալիեւը իր պառվանախշունով փախչելու է Ադրբեջանից՝ թողնելով Ադրբեջանը աղքատության մեջ»:
Խոսելով սփյուռքում մեր հայրենակիցների կողմից կազմակերպվող բողոքի ակցիաների մասին՝ Ալեն Սիմոնյանը շնորհակալություն հայտնեց եւ խնդրեց բոլոր խաղաղ միջոցներով շարունակել այդ ճնշումները միջազգային հանրության վրա:
«Ձեր գործը շատ անգին եւ կարեւոր է»,- վստահեցրեց ՀՀ ԱԺ փոխնախագահը:
