ՌԴ «Արդար Ռուսաստան» կուսակցության ղեկավար Սերգեյ Միրոնովը կարծում է, որ կրակի դադարեցումից հետո Լեռնային Ղարաբաղում կարող են տեղակայվել ռուս խաղաղապահներ: Այս մասին հայտնում է РИА Новости-ն:
«Իմ կողմից ավելացնեմ՝ ցավոք, մենք տեսնում ենք, որ արտաքին ուժերը, այստեղ շատ հեշտ կարելի է գուշակել, որ ինչ-որ վերացական ուժեր չեն, այլ ՆԱՏՕ-ի անդամ Թուրքիան բացահայտ նպաստում է այս հակամարտության, հնացած հակամարտության զարգացմանը: Կարծում եմ՝ հավանաբար Ռուսաստանի Դաշնության կողմից խաղաղապահ ուժերի տեղակայման անհրաժեշտություն կլինի»,- հայտնել է ռուս քաղաքական գործիչը:
