- Օրվա ընթացքում ընթացել են թեժ մարտեր, հակառակորդի գրոհները հետ են մղվել։ «Մեր զինված ուժերը կատարում են իրենց առջև դրված մարտական խնդիրները», - այս մասին ասուլիսին ասել է ՀՀ ՊՆ ներկայացուցիչ Արծրուն Հովհաննիսյանը։ Ռազմաճակատում Ադրբեջանը շարունակել է կրել ծանր կորուստներ․ միայն այսօր՝ 17 տանկ, 4 զրահափոխադրիչ, 3 ինժեներական տեխնիկա, 13 ԱԹՍ։ Պատերազմի սկսելու պահից մինչ այժմ Ադրբեջանը տվել է 790 մարդու, 137 տանկի և զրահատեխեխնիկայի 72 ԱԹՍ-ի, 7 ուղղաթիռի և 1 ինքնաթիռի կորուստ։
- Այսօր օդային հարձակման ենթարկվեց Վարդենիսը՝ Ադրբեջանական և թուրքական օդուժը թիրախավորել է քաղաքի զորամասը, հարակից գյուղերը, գյուղի ջրատարը, ավտոբուսը, խաղաղ բնակչությունն ու քաղաքացիական ենթակառուցվածքները, ինչպես նաև Հայաստանի օդային տարածքը պաշտպանող ՀՀ ԶՈՒ Սու-25 ռազմական օդանավը։ Օդաչուն զոհվել է։ Վարդենիսում ցավոք ունենք նաև 1 քաղաքացիական կորուստ։
- ՀՀ վարչապետ Նիկոլ Փաշինյանը հեռախոսազրույց է ունեցել ՌԴ նախագահ Վլադիմիր Պուտինի հետ, ռուսական «Ռոսիա-1» հեռուստաալիքի եթերում ներկայացրել մեր դիրքորոշումը․ բանակցությունները պետք է վերսկսվեն այնտեղ, որտեղ դադարել են՝ համապատասխան մթնոլորտի պայմաններում։
- Արայիկ Հարությունյանը հնչեցրել է հստակ․ «Զինադադար չենք խնդրելու, զինադադար պարտադրելու ենք։ Զինադադար խնդրելը կնշանակի Հայաստանի կործանում»։ Զինվորականների հետ այս հանդիպման ընթացքում նախագահի հետ էր նաև ՀՀ առաջին փոխվարչապետ Տիգրան Ավինյանը։
