Հայաստանի ֆուտբոլի ազգային հավաքականի ավագ Հենրիխ Մխիթարյանը նորից անդրադարձել է Ադրբեջանի սանձարձակ գործողություններին:
Կիսապաշտպանը սոցիալական կայքերի իր բոլոր էջերում հետեւյալ գրառումն է տարածել ու լուսանկարներ հրապարակել:
Լուսանկարը` ՀՀ կառավարության մամուլի ծառայություն
«Ծանր մարտական գործողությունները Լեռնային Ղարաբաղի դեմ դեռ շարունակվում են, երկու կողմից էլ շատ զոհեր կան: Հայաստանի տարածքը եւս ռմբակոծությունների է ենթարկվել: Սեպտեմբերի 27-ի առավոտյան խաղաղ բնակչության դեմ սկսված ադրբեջանցիների գրոհը խիստ դատապարտման պետք է ենթարկվի:
Այդ բռնության ու մարդկության դեմ հանցագործության անհապաղ դադարեցումն անհետաձգելի ու կենսական կարեւորություն ունի: Թուրքիան պետք է դադարեցնի այդ հարձակմանն աջակցել, այդ թվում՝ օտարազգի վարձկաններին հայերի դեմ հավաքագրել:
Կոչ եմ անում միջազգային հանրությանն ու դաշնակիցներին անմիջապես միջամտել, որպեսզի խուսափենք նոր ցեղասպանությունից»:
