Կասեցնե´լ Ադրբեջանի ագրեսիան և ապահովե´լ տարածաշրջանում խաղաղություն
Կիրակի օրը՝ Սեպտեմբերի 27-ի վաղ առավորտյան ադրբեջանական բանակը հարձակվեց Արցախի և Հայաստանի Հանրապետությունների բնակավայրերի վրա՝ գործադրելով իր օդային և ցամաքային ռազմական ուժերը։ Կան բազմաթիվ քաղաքացիական և զինվորական զոհեր, ավերվել են բազում գյուղեր։ Ռազմական գործողությունները շարունակվում են։ Սրան հետևեց Հայաստանի Հանրապետության և Արցախի Հանրապետության կողմից ռազմական դրության հայտարարումը և ազգաբնակչության զանգվածային զորահավաքի կոչը։ Իրավիճակը առավել սրվում է Թուրքիայի կողմից Ադրբեջանին ցուցաբերվող էական աջակցության պատճառով։ Թուրքական կառավարությունը աջակցում է ադրբեջանական զինված ուժերին ռազմական և լոգիստիկ միջոցներով։ Այս պատերազմի աննախադեպ ուժգնությամբ վերաբռնկումը ապակայունացնում է առանց այն էլ այս զգայուն տարածաշրջանը և սպառնում հարյուրավոր և հազարավոր քաղաքացիների կյանքին։ Սիրիայից հետո սա հետևանք կլինի մեկ այլ մարդասիրական աղետի։ Ադրբեջանի կողմից պատերազմական գործողություններ սանձազերծելու մտադրությունը դեռ բավական ժամանակ առաջ կարելի էր նախանշել:
Սկսած սույն տարվա հոկտեմբերի 1-ից ԵԱՀԿ դիտորդները պետք է դիտարկում անցկացնեին սահմանագծի երկու կողմերում։ Ադրբեջանական կառավարությունը մերժեց այդ պլանը։ Միավորված Ազգերի Կազմակերպության Գագաթաժողովում Ադրբեջանի նախագահը բացահայտորեն խոսում է պատերազմ վերսկսելու մասին։
Ադրբեջանն ակնհայտհորեն կողմ է ռազմական բախումների սրմանը և մերժում է բանակցությունների միջոցով հարցի լուծման տարբերակը։ Արցախի և Հայաստանի նկատմամբ կրկնվող ագրեսիան կասկած չի թողնում, որ Ադրբեջանի կողմից հակամարտության կրկին ու կրկին ռազմական ճանապարհով լուծելու փորձերի նկատմամբ համաշխարհային հանրության ամենաազդեցիկ հակազդեցությունը պետք է լինի Արցախի Հանրապետության ժողովրդի ինքնորոշման իրավունքի ճանաչումը։
Այս իսկ պատճառով Գերմանիայի Դաշնային կառավարությունից պահանջում ենք․
- Միանշանակորեն դատապարտել Անդրբեջանի հարձակումը և անարգանքի սյունին գամել վերջինիս կողմից մարդու իրավունքների ոտնահարումները։
- Ներազդել թուրքական կառավարության վրա՝ չափավորելու վերջինիս կողմից վարվող քաղաքականությունը։
- Կոչ անել ադրբեջանական կողմին վերադառնալու բանակցային սեղանի շուրջ, որպեսզի հակամարտությունը լուծել խաղաղ ճանապարհով՝ հօգուտ մարդկանց բարօրության և ի շահ տարածաշրջանի։
Մենք՝ ներքոստորագրյալներս, ցանկանում ենք շեշտել մեր պահանջները՝ 2020թ․-ի սեպտեմբերի 30-ին, ժամը՝ 15.00-ից մինչև 17.30-ը դաշնային կանցլերամտի շենքի մոտ ցույցի դուրս գալով։ Բոլոր բարի կամքի տեր մարդկանց սրտանց հրավիրում ենք մասնակցելու այս ցույցին։
Ե՞րբ․ 30.09.2020թ․-ին ժամը՝15.00-ից մինչև 17.30
Որտե՞ղ․ Դաշնային Կանցլերամտի շենքի դիմաց
Տեղում պատասխանատու անձիք․
պ․-ն Սամվել Լուլուկյան, հեռ․՝ 015127056297
պ․-ն Միքայել Մինասյան, հեռ․՝ 01706841276
պ․-ն Անդրանիկ Ապգարյան, հեռ․՝ 017630105034
Էլ․ հասցեն՝ vorstand@zentralrat.org
Կազմակերպիչներ․
Գերմանահայ Կենտրոնական Խորհուրդ
Գերմանիայում Հայ Առաքելական Եկեղեցու Թեմ
