Հայկական միասնական տեղեկատվական կենտրոնում ՀՀ ՊՆ ներկայացուցիչ Արծրուն Հովհաննիսյանը ներկայացրել է սահմանային իրավիճակը հայտարարված հրադադարից հետո։
«Հադրութում գրեթե ավարտվում է դիվերսիոն խմբերի չեզոքացման աշխատանքը»,- հայտնել է Արծրուն Հովհաննիսյանը։
ըստ նրա սահմանի ողջ երկայնքով հրադադարը գրեթե պահպանվում է, բացառությամբ որոշ հատվածների, որտեղ ադրբեջանական կողմը դիմում է սադրանքների։
Մինչև կեսօր, ըստ Հովհաննիսյանի, Ադրբեջանը կորցրել է
- 200 զոհ
- 3 աթս
- 4 ավտոտեխնիկա
Հրադադար հայտարարելուց ժամեր առաջ հակառակորդի գործողությունները սաստկացել են, բայց մեր ուժերի կողմից դրանք կասեցվել են։
Սադրանք է եղել Հադրութում, որի մասին մանրամասներ է ներկայացրել Արցախի Հանրապետության Պաշտպանության բանակը։ Ըստ Հովհաննիսյանի՝ մեր կողմից սադրանք իրականացնող այդ խմբերը չեզոքացվել են։
ՀՀ ՊՆ ն երկայացուցչի խոսքով՝ հրադադարից հետո, ՊԲ տեղամասերից մեկում թույլ է տրվել որպեսզի դիակները վերցնեն, դրանից հետո այդ գործընթացը դադարեցվել է, քանի որ այդ ժամանակ ևս տեղի են ունենում սադրանքներ։
«Պաշտոապես հայտարարում ենք, որ հետայսու թույլ է տրվելու միայն Կարմիր խաչի ներկայացուցիչների առկայության պարագայում»,- ասել է Հովհաննիսյանը։