ՀՀ պաշտպանության նախարարության ներկայացուցիչ Արծրուն Հովհաննիսյանն այսօր ասել է, որ անցած գիշերվա ընթացքում թեժ մարտեր չեն եղել, հակառակորդը կատարել է որոշակի վերախմբավորման գործընթաց։
«Լուսաբացից հետո որոշակիորեն թեժացել են մարտերը։ Գիշերվա եւ վաղ առավոտվա մարտերի ընթացքում հակառակորդի հարձակողական փորձերը անհաջողության են մատնվել. ունեցել են ավելի քան 350 զոհ, մոտ 600 վիրավոր, խոցվել է 3 ուղղաթիռ, 15 միավոր տարբեր տեսակի զրահատեխնիկա, 1 «Սմերչ» կայան եւ 6 ԱԹՍ»,- ասել է Արծրուն Հովհաննիսյանը։
Նա նաեւ հաղորդել է, որ վերջին րոպեներին տեղեկություն է ստացել, որ մարտական գործողությունները որոշակիորեն սկսել են թեժանալ։
Արծրուն Հովհաննիսյանը նշել է, որ ակտիվ մարտական գործողություններ ՀՀ սահմանների, մասնավորապես՝ Վարդենիսի ուղղությամբ չկան: