Մեր զորքերը հաղթելու են և սա կասկածից վեր է: Այդպիսի օր չկա, որ մեր ԶՈւ-ն ադրբեջանական որևէ օբյեկտ շարքից հանի: Միշտ չէ, որ դրանք ենթակա են լուսաբանման, և միշտ չէ, որ այդ օբյեկտները ռազմավարական նշանակության են:
Այս մասին Հայկական տեղեկատվական կենտրոնում ճեպազրույցի ժամանակ ասաց ՊՆ ներկայացուցիչ Արծրուն Հովհաննիսյանը:
«Պատերազմը շարունակվում է, լայնածավալ ու սաստիկ է այն, պատերազմում լինում են խուսավարումներ, հաջողություններ ու անհաջողություններ: Եթե նպատակահարմար գտնենք, կլուսաբանենք դրանք, եթե ոչ՝ ուրեմն պետք է վստահենք մեր զինվորականներին, հրամանատարներին ու զորքին, որոնք օր ու գիշեր հերոսություններ են անում, և չենք էլ հասցնում բոլորի մասին խոսենք»,-ասաց Հովհաննիսյանը:
