«Հայկական» հրթիռի ինչպիսի խելացի պահվածք: Այնքան նրբորեն է թափանցել ադրբեջանական ասֆալտի մեջ: Այսպիսի ակնհայտ կեղծիք, շատ զվարճալի է:
Մեկնաբանելով Ադրբեջանի նախագահի օգնական Հիքմեթ Հաջիեւի՝ Թվիթերում հրապարակած՝ իբր հայկական կասետային մարտագլխիկի լուսանկարը՝ այս մասին գրել է ՀՀ ՄԻՊ Արման Թաթոյանը՝ հավելելով.
Պետք է տեսնել աղետն ու զոհերը, այդ թվում՝ սպանությունները, որոնք առաջացել են Լեռնային Ղարաբաղում եւ Հայաստանի քաղաքացիական բնակավայրերում ադրբեջանական հարձակումների եւ կասետային ռումբերի կիրառման հետեւանքով:
Նշենք, որ Ադրբեջանի նախագահի օգնական Հիքմեթ Հաջիեւը Թվիթերի իր էջում հրապարակել էր լուսանկար՝ գրելով, որ հայկական հրթիռը վայրէջք է կատարել Մինգեչաուրի ՋԷԿ-ի էներգետիկ բլոկի մոտակայքում, բայց չի պայթել:
Հաջիեւի գրառումը ծիծաղ է առաջացրել ոչ միայն հայաստանցիների, այլ նաեւ աշխարհում ապրող տարբեր փորձագետների ու մարդկանց մոտ, քանի որ ֆոտոշոփի կիրառությունն ակնհայտ է: Նման հրթիռը անգամ առանց պայթելու չի կարող առանց ավերածության, անգամ առանց ասֆալտը քանդելու խրվել դրա մեջ:
