Ադրբեջանի գլխավոր դատախազությունը քրեական գործ է հարուցել ռուս լրագրող Սեմյոն Պեգովի՝ WarGonzo նախագծի հեղինակի նկատմամբ:
Քրեական գործը հարուցվել է 214-2 (ահաբեկչության հրապարակային կոչեր), 281.1 (պետության դեմ ուղղված հրապարակային կոչեր) և 318.2 (Ադրբեջանի Հանրապետության պետական սահմանի ապօրինի հատում) հոդվածներով:
Ըստ Ադրբեջանի իշխանությունների՝ Պեգովը «հանցավոր հարաբերությունների մեջ է մտել Հայաստանում և Ադրբեջանի Հանրապետության գրավյալ տարածքներում գտնվող անձանց հետ» և անօրինական կերպով «մտել Խանքենդի և գրավյալ այլ բնակավայրեր», հաղորդում է նախարարության մամուլի ծառայությունը:
Ադրբեջանի գլխավոր դատախազությունը հարցում է ուղարկել Ռուսաստանի ուժային կառույցներին:
Խոսքը Լեռնային Ղարաբաղ այցի մասին է. Բաքուն դա համարում է իր սահմանի խախտում։
Ավելի վաղ ադրբեջանական դիրքորոշում սատարող Տելեգրամ ալիքներից մեկը Պեգովի մահն էր ցանկացել Լեռնային Ղարաբաղում նրա կատարած աշխատանքի համար: