ՀՀ ԱԱԾ հանդես է եկել հայտարարությամբ․
Հարգելի՛ հայրենակիցներ, Ադրբեջանի կողմից սանձազերծված ռազմական գործողությունների ընթացքում այս պահին ամերիկյան +18185464601 կեղծ հեռախոսահամարից հաղորդագրություններ են առաքվում հայ հանրությանը՝ նպատակ ունենալով նման սադրանքների միջոցով ստեղծել խուճապային տրամադրություններ և թուլացնել քաղաքացիների զգոնությունը: Անհրաժեշտ է տուրք չտալ նմանատիպ ապատեղեկատվությանը և հետևել միայն պաշտոնական լրահոսին:
Հիշեցնենք, որ ավելի վաղ այսօր ԱԱԾ-ն տեղեկացրել էր, որ ադրբեջանցիների կողմից ապատեղեկատվություն տարածելու և բնակչության շրջանում խուճապ առաջացնելու նպատակով հնարավոր է անծանոթ բջջային հեռախոսահամարներից SMS-հաղորդագրություններ լինեն մեր զինծառայողների և խաղաղ բնակչության շրջանում իբրև զոհերի, ինչպես նաև զինտեխնիկայի և տարածքների կորուստների վերաբերյալ:
