Սփյուռքի գործերի գլխավոր հանձնակատար Զարեհ Սինանյանը լրագրողների հետ ճեպազրույցում մանրամասնել է, թե ինչո՞ւ է արգելվել Սփյուռքի որոշ դաշնակցական գործիչների մուտքը Հայաստան։
Նրա խոսքով. «Եթե կոնկրետ պատճառների մասին եք հարցնում, ԱԱԾ-ին պետք է հարցնեք, բայց որքան ես տեղյակ եմ, չորրորդ անձի մուտքն է արգելվել, նրանք բոլորը կապված են մեկ միջադեպի հետ։ Այն է՝ մեր պետական դրոշը կրող մեքենայի վրա ֆիզիկական հարձակումը»։
Սինանյանը նշել է, թե բողոքի ակցիայի տարբեր ձևեր կան, ֆիզիկական հարձակումը, ձու նետելը ոչ մի երկրում ընդունելի չէ․ «Ձու նետելը պետական սիմվոլները կրող որևէ բանի վրա, ներառյալ մեքենայի, որի վրա Հայաստանի դրոշն է ու որի մեջ նստած է Հայաստանի վարչապետը, դա բողոքի անընդունելի ձև է»։
