Հունիսի 23-ին ՌԴ-ում ՀՀ դեսպան Վաղարշակ Հարությունյանը հանդիպել է ՌԴ Դաշնային Խորհրդի միջազգային հարցերով հանձնաժողովի նախագահ Գրիգորի Կարասինի հետ։
Հանդիպմանը մասնակցել է նաև ՌԴ ԴԽ միջազգային հարցերով հանձնաժողովի նախագահի առաջին տեղակալ Վլադիմիր Ջաբարովը։
Զրույցի ընթացքում կողմերը քննարկել հայ-ռուսական համագործակցության արդի հարցեր։ Զրուցակիցներն առանձին անդրադարձ են կատարել երկու երկրների միջև միջխորհրդարանական համագործակցությանը։
Դեսպան Վաղարշակ Հարությունյանն ընդգծել է, որ ՀՀ և ՌԴ միջև երկկողմ հարաբերությունները վերջին տարիներին շարունակում են կայուն ու դինամիկ կերպով զարգանալ։ Նա ուշադրություն է հրավիրել բարձր մակարդակում առկա երկկողմ պայմանավորվածություններին։
Իր հերթին Գրիգորի Կարասինը նշել է, որ Ռուսաստանի և Հայաստանի միջև երկկողմ հարաբերությունները մշտապես կրել են դաշնակցային և գործընկերային բնույթ։ Նրա խոսքով՝ դրանք ժամանակով և պատմությամբ ստուգված, համաչափ զարգանում են։